Isaiah 42
TOPA’ Nasempa
1“Hih lai-ah ka letkip,ka lungkimna, ka telsa ka nasempa a om hi. a
Ama tungah ka Kha ka koih dinga,
amah in minamte tungah thutang a puak ding hi. b
2 Amah in lamlian dungah a aw sangsakin
awng lo, kiko lo ding hi.
3 A kisat liamsa pumpeng kuaitan loin, c
a tang kiukiau meivakkhau a mutmit kei ding hi.
Muanhuaina tawh thutang a pusuah khia ding hi; d
4 Leitungah thutang a kipsak khit mateng e
ngaklah loin a lungkia kei ding hi;
tuikulhte in ama thukham a lamen ding uh hi,” a ci hi.
5 Vante piangsakin tuate a zalpa,
leitung phah a, a sung pana piangkhia khempeuh f
a piangsakpa leitung mite tungah huu a guanpa
le a tunga lampai khempeuh nuntakna a piapa -
Pasian TOPA in:
6 “Keimah TOPA in thumaanna tawh nang kong sam khin hi; g
na khut ka lenkip ding hi.
Nang hong kemin mite adingin
thukhun Gentile-te adingin
khuavak kong suaksak ding hi. h
7 Mittawte mit honsak ding,
thong sung pan le thong hawmpi sunga
khuamial laka tute a khahkhia ding na hi hi. i
8 “Keimah TOPA ka hi hi; tua in ka min ahi hi! j
Ka minthanna midang khat tungah
ahikeh hong kiphatna milimte tungah ka pia kei ding hi. k
9 En in, a ma-a nate piang khin a, l
a thak nate kong genkhia hi;
amaute mihingin a pian ma-un
note tungah kong zasak khin hi,” a ci hi.
TOPA Phatna La
10 Tuipi sunga paisukte le tuipi sunga omte, mno tuikulhte le a sunga tengte khempeuh aw,
leimongte panin amah phat unla, n
lathak khat TOPA sak un.
11 Sehnel-gam le a khuapite, Kedar mite tenna-a tengte
lungdamin a aw uh sangkhaisak un. o
Sela mite lungdamin lasa uh henla; p
mual liante dawn panin awngsak un.
12 TOPA minthanna amaute gensak unla
tuikulhte ah amah phatna tangkosak un. q
13 Mi thahatpa bangin TOPA kuankhia a, r
galhangpa bangin deihluatna sosak dinga; s
galphawnna aw khatvei kiko in t
a galte a zo khin ding hi. u
14 Sawtveipi ka dai khikhe khin a; v
kei le kei kidek tentanin ka kidaisak hi. w
Ahi hangin tu-in numei nausuak bangin
kiko khia-in ka tungnak hathat hi.
15 Mualliante le mualneute ka mangthangsak dinga
anteh-sawlbawk khempeuh ka keucipsak ding hi; x
gunte tuikulh ka suaksak dinga,
bualte ka keucipsak ding hi. y
16 Keimah in mittawte a theih ngei lohna munah ka pi dinga,
a tawt nai lohna lampi ah lam ka hilh ding hi;
amaute mai-ah khuamial khuavak ka suaksak dinga,
aham lampite ka nelsak ding hi. z
Ka sep ding nate hihte ahi hi;
amaute ka nusia kei ding hi.
17 Ahi hangin milimte a muangte,
milim tungah, “Nang kote pasian na hi hi,” a cite,
kilehkiksakin a maizum mahmah ding uh hi. aa
Mittaw a Bilngong Israel
18 “No bilngongte aw za un; abno mittawte aw en unla mu un!
19 Ka nasempa lo kua mittaw a,
kamtai-a ka sawlpa bangin kua bilngong ahi hiam? ac
Kei tunga hong kiciampa bangin kua mittaw a, ad
TOPA’ nasempa bangin kua mit taw ahi hiam?
20 Na tampitak na muh khit hangin na thusim kei hi;
Na bilte vak napi bangmah na za kei hi,” ae
21 Ama thumaanna khualna-in
a thukham liansaka minthansak ding TOPA lungkimna hi. af
22 Ahi hangin hih mite a kibuluh neihsa a kisutte hi uh a, ag
amaute khempeuh duma thang kisiah
ahikeh thong sunga kiselte ahi uh hi.
Amaute a hu ding a om lo a
kiluhgawpte suak uh a,
kuamah in, ‘Hong khak kik un,’
a cih loh van kisutte a suak uh hi.
23 Mailam hunah hih thu a ngai ding
ahikeh a thusim cinten ding kua na hi uh hiam? ah
24 Kua in suhgawp dingin Jacob pia a,
a buluhte tungah Israel pia ahi hiam?
A tunga i mawhnapa
TOPA hi lo ahi hiam?
Ahang in, amaute in a lampi zui lo uh a; ai
a thukham a mang kei uh hi.
25 Tua ahi ciangin amaute tungah a hehna kuanglai le
a gal ngongtat a sungkhia hi. aj
Meikuang in tuamcip napi amaute in a theitel kei uh hi; ak
amaute kang napi ngaihsutin a nei kei uh hi.
Copyright information for
ZomZIV